Топтық қоңыраудағы пікірлер, контактілерге арналған ескертпе, ұсынылатын туған күндер және тағы басқасы

Read the original announcement in English

Comments in Group Calls, Threads for Chatbots and More

Бүгінгі жаңартуда біз топтық қоңыраулар мен бейнечаттарда пікірлер мен реакцияларды, контакттер үшін ескертпелерді, ұсынылатын туған күндерді, бейін түстерін баптаудың жаңа тәсілдерін — сондай-ақ ЖИ боттар үшін тақырыптық чаттарды және ағынды жауаптарды, сыйлықтарға арналған жетілдірулерді, iOS-тағы Liquid Glass интерфейсін және тағы басқа жаңалықтарды іске қосып отырмыз.

Топтық қоңыраудағы пікірлер мен реакциялар

Топтық қоңырау мен бейнечатқа қатысушылар енді сөйлесу барысында ойларымен бөлісу үшін тікелей қоңырау бетбейнесінде пікірлер мен реакциялар жібере алады.

Пікірлер мен реакциялар — қоңырау экранында қысқа уақытқа көрінетін уақытша хаттар, олар ақпаратты тез растауға , қолдау көрсетуге немесе үнсіз отырғанда сұрақтар қоюға ыңғайлы.

Пікірлер мен реакциялар әзірге 1000-нан аз қатысушысы бар топтардағы топтық қоңыраулар мен бейнечаттарда қолжетімді.

Пікір немесе реакция жіберу үшін «Жазу» батырмасын басыңыз. Тек эмоджи жіберсеңіз, қоңыраудағы адамдар анимацияланған реакцияны көреді.

iOS 26 арналған Liquid Glass

iOS-қа арналған Telegram енді iOS 26 стандартымен үйлесетін жаңартылған Liquid Glass бетбейнесін қолдайды. Төменгі навигация тақтасы, пернетақта, стикер тақтасы және басқа да элементтер мөлдір қабаттармен, айналдырған кезде жағымды жарықтың сынуы әсерімен көрсетіледі.

Apple-дің өзгеріп жатқан iOS 26 стандарттарына сай, қолданба дизайнын жаңартып отырамыз.

Контактілерге арналған ескертпелер

Telegram контактісін қосқанда немесе өңдегенде, енді өзіңізге ғана арналған жеке ескертпе қалдыра аласыз, мысалы: қайда танысқаныңызды, оның жұмыс орнын немесе сүйікті балмұздағын белгілеу үшін.

Контактіге арналған ескертпелер тек сізге көрінеді және қолданушының Telegram бейінінде, оның өзі жайлы тармағының астында көрсетіледі.

Біреуді контакт ретінде қосу үшін оның бейінін ашып, «Контактіге қосу» батырмасын басыңыз. Қолданушы контактілеріңізге қосылғаннан кейін, оның бейініндегі «Өңдеу» батырмасын басып, ескертпе орната аласыз немесе бейін суретін өзгерте аласыз.

Ұсынылатын туған күндер

Біреудің контакт деректерін өңдеген кезде, оның бейініне қосу үшін туған күнін ұсынуға болады, осылайша достары оны Telegram сыйлықтарымен және лебізге толы хаттармен құттықтай алады.

Сіз күнді ұсынғаннан кейін, ол чаттасыңызда арнайы хат ретінде көрінеді, ал ол туған күнін бейініне бір басумен қоса алады.

Өз туған күніңізді бейініңізге Баптау → Өңдеу → Туған күн арқылы қоса аласыз.

Жаңа бейін түсі баптаулары

Енді бейініңіздің көрінісін негізгі Баптау бетінен тікелей өзгерте аласыз. Дайын түс тақырыптарынан бөлек, сыйлық таңдауға болады, оның бейнесі мен таңбасы бейін мұқабаңызда қолданылады.

Кейбір жиынтық сыйлықтар енді бірегей жауап стилдерін ашады және олардың тұсқағазы мен таңбасын сіз жіберетін сілтемелерге және сіздің хатыңызға берілетін жауаптарға қосуға мүмкіндік береді.

Бұл сыртқы кейіп баптаулары тек Telegram Premium жазылушыларына қолжетімді, онда тағы да көптеген қызық әрі мықты мүмкіндіктер бар.

ЖИ боттарға арналған тақырыптар мен ағынды жауаптар

Боттар енді тақырыптық чаттарды қолдайды, бұл бір уақытта бірнеше түрлі тақырыпты тәртіппен жүргізуге мүмкіндік береді. Бұл әсіресе ЖИ чатботтар үшін ыңғайлы, қолданушылар алдыңғы тақырыптардағы ақпаратқа оңай қайта орала алады.

Толық жауапты күтудің орнына, чатботтар енді жауаптарын жасалған сәттен бастап ағынды түрде көрсете алады.

Telegram үлкен тілдік модельдерге және ЖИ платформаларына жазылым жоспарлары арқылы боттардан табыс табуға, әрі қарай дамуын қолдауға мүмкіндік береді.

Бұл мүмкіндіктер қолданушыларға қолжетімді болу үшін, әзірлеушілер оларды арнайы қосуы қажет. Толығырақ мына бетте.

Сыйлық бетбейнелері жақсартылды

Сыйлық жіберу бетбейнесі енді қарапайымырақ, барлық қолжетімді сыйлық бір тізімде көрсетіледі, соның ішінде сыйлық нарығында қолжетімді сыйлықтар да бар.

Жаңартулар белгілі бір сыйлық үшін шыққаннан кейін, жаңарту құны уақыт өте келе біртіндеп төмендейді.

Жаңарту интерфейсі енді жаңартудың нақты уақытын көрсетеді, содан кейін ол төмендетілген бағамен қолжетімді болады.

Сыйлық сипаттамаларын жою

Сіз басқа қолданушылардан алатын немесе нарықта сатып алатын сыйлықтарда көбіне кім жібергені және жеке хаты көрсетіледі.

Бейініңізде бұл мәлімет көрінбесін десеңіз немесе сыйлықтың қайта сату құнын арттырғыңыз келсе, жұлдыз көмегімен сыйлық сипаттамаларын жоя аласыз.

Бір рет жойылғаннан кейін, сыйлық сипаттамасы Telegram ішінде көрінбейтін болады.

Блокчейн сыйлықтарын көрсету

Қолданушылар қауіпсіздікті ең жоғары деңгейде қамтамасыз ету үшін сыйлықтарын блокчейнге шығара алады. Бүгіннен бастап тіркелгіңізді Fragment қызметімен байланыстырсаңыз, блокчейн сыйлықтарыңызды өзіңіздің Telegram бейініңізде көрсетуге болады.

Қате мен ұсынысқа арналған шағын қолданбасы

2020 жылы Telegram қолданушыларға қателерді хабарлауға және жаңа мүмкіндіктер ұсынуға болатын сайтты іске қосты.

Енді қате мен ұсынысқа арналған платформасы ресми шағын қолданба ретінде де қолжетімді, сондықтан кез келген адам қолданбадан шықпай-ақ, бар болғаны бірнеше рет басып, қате жайлы есеп немесе ұсыныс жібере алады.